आरोग्यासाठी जवसाचे ७ मोठे फायदे

नवचैतन्य टाईम्स सातारा (डॉ अरुण राजपुरे)–जवसचा वापर रोजच्या आहारात करणे फाय महत्त्वाचे आहे. जवसचे तेल स्वयंपाकघरात अवश्‍य केला पाहिजे. जवसचे आरोग्यासाठी अनेक फायदे आहेत.(१) दाह कमी करते – लघवी करतांना होणारी दाह कमी करण्यासाठी जवस फायद्याची ठरते. यासाठी जवसचा काढा बनवावा.१२ ग्रॅम जवस आणि ६ ग्रॅम ज्येष्ठमध घेऊन त्याची पूड करुन घ्यावी. त्यानंतर १ लीटर पाण्यात ते उकळून घ्यावे. हा काढा तयार झाल्यानंतर त्यात १२ ग्रॅम खडीसाखर टाकावी आणि रोज २ चमचे सकाळ आणि संध्याकाळ घ्यावे. लघवीच्या जागी होणारी जळजळ कमी होते.
(२)हिरड्या आणि दात मजबूत करते – हिरड्या मजबूत होण्यासाठी आणि दात दुखत असेल तर जवसचं तेल फायदेशीर ठरते. जवसच्या तेलाने मसाज करावा.
(३)कफ बाहेर काढणे – जवसाचं पीठ घेऊन त्याने छाती शेकली तर कफ पातळ होऊन तो बाहेर पडण्यास मदत होते. यामुळे ताप देखील लगेच जातो.
(४) पाठदुखी – पाठ दुखत असेल तर दुखणाऱ्या जागी जवस बांधून ठेवावे.
(५)भाजलेल्या जागी बांधावे – एखाद्या ठिकाणी भाजलं असेल तर त्या ठिकाणी जवसचं तेल आणि चुन्याची निवळी एकत्र करुन बांधावी. यामुळे जखम लवकर बरी होते.
(६)पचन क्रिया सुधरते – आहारात जवसाचा वापर केल्यास भूक वाढते आणि पचनक्रिया देखील चांगली राहते.
(७) इतर फायदे – रोज सकाळी अनशेपोटी एक चमचा जवसाचे तेल प्यायल्याने बीपी डायबेटीस,हृदयाचे आरोग्य चांगले राहते. हिवाळ्यात जवस खाल्याने शरीरात उष्णता निर्माण होते.हृदयावरील पाण्याचा दाब कमी करण्यासाठी देखील जवस मदत करते.संकलन डॉक्टर अरुण राजपुरे/डॉक्टर हणमंत जाधव सातारा

error: Content is protected !!